nadiya ne mujh se kaha mat aa mere pas
pani se bujhti nahin antarman ki pyas

Akhtar Nazmi

---

---

wo zahr deta to sab ki nigah mein aa jata
so ye kiya ki mujhe waqt pe dawaen na din

Akhtar Nazmi

---

---

yar khisakti jaegi muTThi mein se ret
ye to mumkin hi nahin chiDiya chuge na khet

Akhtar Nazmi

---

---

zikr wahi aaThon pahar wahi katha din raat
bhul sake to bhul ja gae dinon ki baat

Akhtar Nazmi

---

---

junun bhi zahmat KHirad bhi lanat hai zaKHm-e-dil ki dawa mohabbat
harim-e-jaan mein tawaf-e-paiham yahi hai andaz-e-ashiqana

Akhtar Orenvi

---

---

kitne taban the wo lamhat tere pahlu mein
do ghaDi meri bhi firdaus mina guzri hai

Akhtar Orenvi

---

---

main muntazir hun teri tamanna liye hue
aa ja farogh-e-husn ki duniya liye hue

Akhtar Orenvi

---

---