kuchh is tarah ke bahaaron ne gul khilae hain
ki ab to fasl-e-bahaaran se Dar lage hai mujhe

Akhtar Muslimi

---

---

lazzat-e-dard mili jurm-e-mohabbat mein use
wo saza pai hai dal ne ki KHata jhum uThi

Akhtar Muslimi

---

---

mere kirdar mein muzmar hai tumhaara kirdar
dekh kar kyun meri taswir KHafa ho tum log

Akhtar Muslimi

---

---

mere dil pe hath rakh kar mujhe dene wale taskin
kahin dil ki dhaDkanon se tujhe choT aa na jae

Akhtar Muslimi

---

---

mujh ko manzur nahin ishq ko ruswa karna
hai jigar chaak magar lab pe hansi hai ai dost

Akhtar Muslimi

---

---

ah-e-wafa mein luTa kar mata-e-qalb-o-jigar
kiya hai teri mohabbat ka haq ada main ne

Akhtar Muslimi

---

---

sabr-o-qarar-e-dil mere jaane kahan chale gae
bichhDe hue na phir mile aise hue juda ki bas

Akhtar Muslimi

---

---