sun ke rudad-e-alam meri wo hans kar bole
aur bhi koi fasana hai tumhein yaad ki bas

Akhtar Muslimi

---

---

thin tumhaari jis pe nawazishen kabhi tum bhi jis pe the mehrban
ye wahi hai 'aKHtar'-e-muslimi tumhein yaad ho ki na yaad ho

Akhtar Muslimi

---

---

tumhaari bazm ki yun aabru baDha ke chale
piye baghair hi hum panw laDkhaDa ke chale

Akhtar Muslimi

---

---

us ko bhaDkao na daman ki hawaen de kar
shoala-e-ishq mere dil mein daba rahne do

Akhtar Muslimi

---

---

wafa karo jafa mile bhala karo bura mile
hai rit desh desh ki chalan chalan ki baat hai

Akhtar Muslimi

---

---

aadat se lachaar hai aadat nai ajib
jis din khaya peT bhar soya nahin ghari

Akhtar Nazmi

---

---

ab nahin lauT ke aane wala
ghar khula chhoD ke jaane wala

Akhtar Nazmi

---

---