mausam-e-gul tere sadqe teri aamad ke nisar
dekh mujh se mera saya bhi juda hai ab ke

Akhtar lakhnvi

---

---

sune kitne baam hue kitne aangan be-nur hue
chand se chehre yaad aate hain chand nikalte waqt bahut

Akhtar lakhnvi

---

---

ajib uljhan mein tu ne Dala mujhe bhi ai gardish-e-zamana
sukun milta nahin qafas mein na ras aata hai aashiyana

Akhtar Muslimi

---

---

ashk wo hai jo rahe aankh mein gauhar ban kar
aur TuTe to bikhar jae naginon ki tarah

Akhtar Muslimi

---

---

dehat ke basne wale to iKHlas ke paikar hote hain
ai kash nai tahzib ki rau shahron se na aati ganw mein

Akhtar Muslimi

---

---

di us ne mujh ko jurm-e-mohabbat ki wo saza
kuchh be-qusur log saza mangne lage

Akhtar Muslimi

---

---

ek hi anjam hai ai dost husn o ishq ka
shama bhi bujhti hai parwanon ke jal jaane ke baad

Akhtar Muslimi

---

---