de ise bhi farogh-e-husn ki bhik
dil bhi lag kar qatar mein aaya

Abbas Tabish

---

---

ek muddat se meri man nahin soi 'tabish'
main ne ek bar kaha tha mujhe Dar lagta hai

Abbas Tabish

---

---

faqat mal-o-zar-e-diwar-o-dar achchha nahin lagta
jahan bachche nahin hote wo ghar achchha nahin lagta

Abbas Tabish

---

---

ghar pahunchta hai koi aur hamare jaisa
hum tere shahr se jate hue mar jate hain

Abbas Tabish

---

---

hum hain sukhe hue talab pe baiThe hue hans
jo talluq ko nibhate hue mar jate hain

Abbas Tabish

---

---

hum juDe rahte the aabaad makanon ki tarah
ab ye baaten hamein lagti hain fasanon ki tarah

Abbas Tabish

---

---

hamare jaise wahan kis shumar mein honge
ki jis qatar mein majnun ka nam aaKHiri hai

Abbas Tabish

---

---