dil daba jata hai kitna aaj gham ke bar se
kaisi tanhai Tapakti hai dar o diwar se

Akbar Hyderabadi

---

---

har dukan apni jagah hairat-e-nazzara hai
fikr-e-insan ke sajae hue bazar to dekh

Akbar Hyderabadi

---

---

himmat wale pal mein badal dete hain duniya ko
sochne wala dil to baiTha socha karta hai

Akbar Hyderabadi

---

---

KHud-parasti KHuda na ban jae
ehtiyatan gunah karta hun

Akbar Hyderabadi

---

---

labon par tabassum to aankhon mein aansu thi dhup ek pal mein to ek pal mein barish
hamein yaad hai baaton baaton mein un ka hansana rulana rulana hansana

Akbar Hyderabadi

---

---

meri shikast bhi thi meri zat se mansub
ki meri fikr ka har faisla shuuri tha

Akbar Hyderabadi

---

---

mubham the sab nuqush naqabon ki dhund mein
chehra ek aur bhi pas-e-chehra zarur tha

Akbar Hyderabadi

---

---