yahi soch kar iktifa chaar par kar gae shaiKH-ji
milengi wahan un ko hur aur pariyan waghaira waghaira

Akbar Hyderabadi

---

---

kare wo raat ki manind dagh dagh mujhe
main rang rang karunga use sahar ki tarah

Akbar Kazmi

---

---

ab tujhe mera nam yaad nahin
jab ki tera pata raha hun main

Akbar Masoom

---

---

aisa ek maqam ho jis mein dil jaisi virani ho
yaadon jaisi tez hawa ho dard se gahra pani ho

Akbar Masoom

---

---

hai musibat mein giraftar musibat meri
jo bhi mushkil hai wo mere liye aasani hai

Akbar Masoom

---

---

jis ke baghair ji nahin sakte the ja chuka
par dil se dard aankh se aansu kahan gaya

Akbar Masoom

---

---

main kisi aur hi aalam ka makin hun pyare
mere jangal ki tarah ghar bhi hai sunsan mera

Akbar Masoom

---

---