saqi o waiz mein zid hai baada-kash chakkar mein hai
tauba lab par aur lab Duba hua saghar mein hai

Ahsan Marahravi

---

---

sheKH ko jannat mubarak hum ko dozaKH hai qubul
fikr-e-uqba wo karen hum KHidamt-e-duniya karen

Ahsan Marahravi

---

---

tang aa gaya hun wusat-e-mafhum-e-ishq se
nikla jo harf munh se wo afsana ho gaya

Ahsan Marahravi

---

---

tamam umr isi ranj mein tamam hui
kabhi ye tum ne na pucha teri KHushi kya hai

Ahsan Marahravi

---

---

ye sadma jite ji dil se hamare ja nahin sakta
unhen wo bhule baiThe hain jo un par marne wale hain

Ahsan Marahravi

---

---

garm-e-safar hai garm-e-safar rah muD muD kar mat pichhe dekh
ek do manzil sath chalegi paTke hue qadmon ki chap

Ahsan Shafiq

---

---

arsat tham chuki hai magar har shajar ke pas
itna to hai ki aap ka daman bhigo sake

Ahsan Yusuf Zai

---

---