har dam aane se main bhi hun nadim
kya karun par raha nahin jata

Qayem Chandpuri

---

---

har taraf zarf-e-wazu bharte hain zahid hui subh
sath uTh hum bhi surahi mein mai-e-nab karen

Qayem Chandpuri

---

---

har uzw hai dil-fareb tera
kahiye kise kaun sa hai behta

Qayem Chandpuri

---

---

hona tha zindagi hi mein munh shaiKH ka siyah
is umr mein hai warna maza kya KHizab ka

Qayem Chandpuri

---

---

irad kar na paDh ke mera KHat ki ye tamam
be-rabtiyan hain samra-e-hangam-e-ishtiyaq

Qayem Chandpuri

---

---

ilahi waqai itna hi bad hai fisq-o-fujur
par is maze ko samajhta jo tu bashar hota

Qayem Chandpuri

---

---

jis chashm ko wo mera KHush-chashm nazar aaya
nargis ka use jalwa ek pashm nazar aaya

Qayem Chandpuri

---

---