jis musalle pe chhiDkiye na sharab
apne aain mein wo pak nahin

Qayem Chandpuri

---

---

jun shisha bhara hun mai se lekin
masti se main apni be-KHabar hun

Qayem Chandpuri

---

---

kahta hai aaina ki hai tujh sa hi ek aur
bawar nahin to la main tere ru-ba-ru karun

Qayem Chandpuri

---

---

kar na jurat tu ai tabib ki ye
dil ka dhaDka hai iKHtilaj nahin

Qayem Chandpuri

---

---

KHas namat sath mauj ke lag le
bahte bahte kahin to jaiyega

Qayem Chandpuri

---

---

ki wafa kis se bhala fahisha-e-duniya ne
hai tujhe shauq jo is qahba ki damadi ka

Qayem Chandpuri

---

---

koi din aage bhi zahid ajab zamana tha
har ek mohalle ki masjid sharab-KHana tha

Qayem Chandpuri

---

---