Daha khaDa hai hazaron jagah se qasr-e-wajud
bataun kaun si us ki main ustuwar taraf

Qayem Chandpuri

---

---

dard-e-dil kuchh kaha nahin jata
aah chup bhi raha nahin jata

Qayem Chandpuri

---

---

dard-e-dil kyun-ki kahun main us se
har taraf log ghire baiThe hain

Qayem Chandpuri

---

---

dil ko phansa hai har ek uzw ki tere chhab ne
hath ne panw ne mukhDe ne dahan ne lab ne

Qayem Chandpuri

---

---

dil se bas hath uTha tu ab ai ishq
deh-e-viran par KHiraj nahin

Qayem Chandpuri

---

---

duKHtar-e-raz to hai beTi si tere upar haram
rind is rishte se sare tere damad hain shaiKH

Qayem Chandpuri

---

---

dun ham-sari mein baiTh ke kis na-saza ke sath
yan bahs ka dimagh nahin hai KHuda ke sath

Qayem Chandpuri

---

---