fikr-e-tamir mein hun phir bhi main ghar ki ai charKH
ab talak tu ne KHabar di nahin sailab ke tain

Qayem Chandpuri

---

---

gandumi rang jo hai duniya mein
meri chhati pe mung dalta hai

Qayem Chandpuri

---

---

gar yahi na-sazi-e-din hai to ek din shaiKH-ji
phir wahi hum hain wahi but hai wahi zunnar hai

Qayem Chandpuri

---

---

garm kar de tu Tuk aaghosh mein aa
mare jaDe ke Thire baiThe hain

Qayem Chandpuri

---

---

girya to 'qaem' thama mizhgan abhi honge na KHushk
der tak Tapkenge baran ke shajar bhige hue

Qayem Chandpuri

---

---

hathon se dil o dida ke aaya hun nipaT tang
aankhon ko roun ya main karun sarzanish-e-dil

Qayem Chandpuri

---

---

hum diwanon ko bas hai poshish se
daman-e-dasht o chadar-e-mahta

Qayem Chandpuri

---

---