wo mera dost hai sare jahan ko hai malum
dagha kare wo kisi se to sharm aae mujhe

Qateel Shifai

---

---

wo teri bhi to pahli mohabbat na thi 'qatil'
phir kya hua agar wo bhi harjai ban gaya

Qateel Shifai

---

---

yaro ye daur zof-e-basarat ka daur hai
aandhi uThe to us ko ghaTa kah liya karo

Qateel Shifai

---

---

ye ghar mera gulshan hai gulshan ka KHuda-hafiz
allah nigahban nasheman ka KHuda-hafiz

Qateel Shifai

---

---

ye moajiza bhi mohabbat kabhi dikhae mujhe
ki sang tujh pe gire aur zaKHm aae mujhe

Qateel Shifai

---

---

ye paisa kya chiz hai khule na is ka bhed
jab aaya mere hath mein karne aaya chhed

Qateel Shifai

---

---

ye Thik hai nahin marta koi judai mein
KHuda kisi ko kisi se magar juda na kare

Qateel Shifai

---

---