tark-e-wafa ke baad ye us ki ada 'qatil'
mujh ko satae koi to us ko bura lage

Qateel Shifai

---

---

thak gaya main karte karte yaad tujh ko
ab tujhe main yaad aana chahta hun

Qateel Shifai

---

---

thoDi si aur zaKHm ko gahrai mil gai
thoDa sa aur dard ka ehsas ghaT gaya

Qateel Shifai

---

---

tum aa sako to shab ko baDha do kuchh aur bhi
apne kahe mein subh ka tara hai in dinon

Qateel Shifai

---

---

tum puchho aur main na bataun aise to haalat nahin
ek zara sa dil TuTa hai aur to koi baat nahin

Qateel Shifai

---

---

uf wo marmar se tarasha hua shaffaf badan
dekhne wale use taj-mahal kahte hain

Qateel Shifai

---

---

wo dil hi kya tere milne ki jo dua na kare
main tujh ko bhul ke zinda rahun KHuda na kare

Qateel Shifai

---

---