muflis ke badan ko bhi hai chadar ki zarurat
ab khul ke mazaron pe ye elan kiya jae

Qateel Shifai

---

---

mujh se tu puchhne aaya hai wafa ke mani
ye teri sada-dili mar na Dale mujh ko

Qateel Shifai

---

---

na chhanw karne ko hai wo aanchal na chain lene ko hain wo banhen
musafiron ke qarib aa kar har ek basera palaT gaya hai

Qateel Shifai

---

---

na jaane kaun si manzil pe aa pahuncha hai pyar apna
na hum ko e'tibar apna na un ko e'tibar apna

Qateel Shifai

---

---

nikal kar dair-o-kaba se agar milta na but-KHana
to Thukrae hue insan KHuda jaane kahan jate

Qateel Shifai

---

---

'qatil' ab dil ki dhaDkan ban gai hai chap qadmon ki
koi meri taraf aata hua mahsus hota hai

Qateel Shifai

---

---

abta lakh sahi qafila-salar ke sath
hum ko chalna hai magar waqt ki raftar ke sath

Qateel Shifai

---

---