ahega sath tera pyar zindagi ban kar
ye aur baat meri zindagi wafa na kare

Qateel Shifai

---

---

aqs karne ka mila hukm jo dariyaon mein
hum ne KHush ho ke bhanwar bandh panw mein

Qateel Shifai

---

---

sati to main ho jaungi par ye mujhe bata
pahle agar main mar gai jalega tu bhi kya

Qateel Shifai

---

---

sitam to ye hai ki wo bhi na ban saka apna
qubul hum ne kiye jis ke gham KHushi ki tarah

Qateel Shifai

---

---

soch ko jurat-e-parwaz to mil lene do
ye zamin aur hamein tang dikhai degi

Qateel Shifai

---

---

subut-e-ishq ki ye bhi to ek surat hai
ki jis se pyar karen us pe tohmaten bhi dharen

Qateel Shifai

---

---

sukh gai jab aankhon mein pyar ki nili jhil 'qatil'
tere dard ka zard samundar kahe shor machaega

Qateel Shifai

---

---