jis barahman ne kaha hai ki ye sal achchha hai
us ko dafnao mere hath ki rekhaon mein

Qateel Shifai

---

---

jo bhi aata hai batata hai naya koi ilaj
baT na jae tera bimar masihaon mein

Qateel Shifai

---

---

kis tarah apni mohabbat ki main takmil karun
gham-e-hasti bhi to shamil hai gham-e-yar ke sath

Qateel Shifai

---

---

kuchh kah rahi hain aap ke sine ki dhaDkanen
mera nahin to dil ka kaha man jaiye

Qateel Shifai

---

---

kya jaane kis ada se liya tu ne mera nam
duniya samajh rahi hai ki sach-much tera hun main

Qateel Shifai

---

---

kya maslahat-shanas tha wo aadmi 'qatil'
majburiyon ka jis ne wafa nam rakh diya

Qateel Shifai

---

---

kyun sharik-e-gham banate ho kisi ko ai 'qatil'
apni suli apne kandhe par uThao chup raho

Qateel Shifai

---

---