daba ke qabr mein sab chal diye dua na salam
zara si der mein kya ho gaya zamane ko

Qamar Jalalvi

---

---

har waqt mahwiyat hai yahi sochta hun main
kyun barq ne jalaya mera aashiyan na puchh

Qamar Jalalvi

---

---

is liye aarzu chhupai hai
munh se nikli hui parai hai

Qamar Jalalvi

---

---

jalwa-gar bazm-e-hasinan mein hain wo is shan se
chand jaise ai 'qamar' taron bhari mahfil mein hai

Qamar Jalalvi

---

---

jigar ka dagh chhupao 'qamar' KHuda ke liye
sitare TuTte hain un ke dida-e-nam se

Qamar Jalalvi

---

---

kabhi kaha na kisi se tere fasane ko
na jaane kaise KHabar ho gai zamane ko

Qamar Jalalvi

---

---

KHun hota hai sahar tak mere armanon ka
sham-e-wada jo wo paband-e-hina hota hai

Qamar Jalalvi

---

---