ye waqt band darichon pe likh gaya 'qaisar'
main ja raha hun mera intizar mat karna

Qaisar-ul-Jafri

---

---

zindagi bhar ke liye ruTh ke jaane wale
main abhi tak teri taswir liye baiTha hun

Qaisar-ul-Jafri

---

---

zindagi ne mera pichha nahin chhoDa ab tak
umr bhar sar se na utri ye bala kaisi thi

Qaisar-ul-Jafri

---

---

jati hui mayyat dekh ke bhi wallah tum uTh kar aa na sake
do chaar qadam to dushman bhi taklif gawara karte hain

Qamar Jalalabadi

---

---

kuchh to hai baat jo aati hai qaza ruk ruk ke
zindagi qarz hai qiston mein ada hoti hai

Qamar Jalalabadi

---

---

mere KHuda mujhe thoDi si zindagi de de
udas mere janaze se ja raha hai koi

Qamar Jalalabadi

---

---

ah mein un se mulaqat ho gai
jis se Darte the wahi baat ho gai

Qamar Jalalabadi

---

---