afta rafta wo hamare dil ke arman ho gae
pahle jaan phir jaan-e-jaan phir jaan-e-jaanan ho gae

Qamar Jalalabadi

---

---

aaen hain wo mazar pe ghunghaT utar ke
mujh se nasib achchhe hai mere mazar ke

Qamar Jalalvi

---

---

ab aage is mein tumhaara bhi nam aaega
jo hukm ho to yahin chhoD dun fasane ko

Qamar Jalalvi

---

---

abhi baqi hain patton par jale tinkon ki tahriren
ye wo tariKH hai bijli giri thi jab gulistan pa

Qamar Jalalvi

---

---

agar aa jae pahlu mein 'qamar' wo mah-e-kaamil bhi
do aalam jagmaga uTThenge dohri chandni hogi

Qamar Jalalvi

---

---

aise mein wo hon bagh ho saqi ho ai 'qamar'
lag jaen chaar chand shab-e-mahtab mein

Qamar Jalalvi

---

---

aDha baDha ke jafaen jhuka hi doge kamar
ghaTa ghaTa ke 'qamar' ko hilal kar doge

Qamar Jalalvi

---

---