saKHt-jaan wo hun ki maqtal se sar-afraaz aaya
kitni talwaron ko deta hua aawaz aaya

Parvez Shahidi

---

---

yaad hain aap ke toDe hue paiman hum ko
kijiye aur na sharminda-e-ehsan hum ko

Parvez Shahidi

---

---

ye taj ke sae mein zar-o-sim ke KHirman
kyun aatish-e-kashkol-e-gada se nahin Darte

Parvez Shahidi

---

---

laga jab yun ki uktane laga hai dil ujalon se
use mahfil se us ki alwidaa kah kar nikal aae

Parvindar shokh

---

---

jin ke honTon pe hansi panw mein chhaale honge
han wahi log tumhein chahne wale honge

Parwaz Jalandhari

---

---

kaleja rah gaya us waqt phaT kar
kaha jab alwida us ne palaT ka

Pawan Kumar

---

---

ajib shai hai tasawwur ki kar-farmai
hazar mahfil-e-rangin sharik-e-tanhai

Payam Fatehpuri

---

---