'sahir' ye mera dida-e-giryan hai aur main
sahra mein koi dusra jharna to hai nahin

Parvez Sahir

---

---

waqt achchha zarur aata hai
par kabhi waqt par nahin aata

Parvez Sahir

---

---

abhi se subh-e-gulshan raqs-farma hai nigahon mein
abhi puri naqab ulTi nahin hai sham-e-sahra ne

Parvez Shahidi

---

---

git hariyali ke gaenge sisakte hue khet
mehnat ab ghaarat-e-jagir tak aa pahunchi hai

Parvez Shahidi

---

---

guzra hai kaun phul khilata KHiram se
'shadab' aaj rahguzar pa raha hun main

Parvez Shahidi

---

---

meri zindagi ki zinat hui aafat-o-bala se
main wo zulf-e-KHam-ba-KHam hun jo sanwar gai hawa se

Parvez Shahidi

---

---

na jaane kah gae kya aap muskurane mein
hai dil ko naz ki jaan aa gai fasane mein

Parvez Shahidi

---

---