KHushi visal ki ab hai na ranj-e-tanhai
ye kis maqam pe mujh ko hayat le aai

Payam Fatehpuri

---

---

malamaton se junun mein na kuchh kami aai
jarahaton se baDhi zaKHm-e-dil ki ranai

Payam Fatehpuri

---

---

nafas nafas pe yahan rahmaton ki barish hai
hai bad-nasib jise zindagi na ras aai

Payam Fatehpuri

---

---

phaila faza mein naghma-e-zanjir-e-marhaba
zindan mein ghuT ke rah na saki zindagi ki baat

Payam Fatehpuri

---

---

sukun de na sakin rahaten zamane ki
jo nind aai tere gham ki chhanw mein aai

Payam Fatehpuri

---

---

tariKH-e-kaenat-e-ibaadat junun se hai
unwan-e-aql-o-hosh hai diwangi ki baat

Payam Fatehpuri

---

---

jab us ne mera KHat na chhua hath se apne
qasid ne bhi chipka diya diwar se kaghaz

Peer Sher Mohammad Ajiz

---

---