kisi ki zulf ke saude mein raat ki hai basar
kisi ke ruKH ke tasawwur mein din tamam kiya

Peer Sher Mohammad Ajiz

---

---

kundani rang ka main kushta hun
kyun na ho meri zafrani KHak

Peer Sher Mohammad Ajiz

---

---

na to main hur ka maftun na pari ka aashiq
KHak ke putle ka hai KHak ka putla aashiq

Peer Sher Mohammad Ajiz

---

---

naKHun ka rang sina-KHarashi se ye hua
surKHi shafaq se aati hai jaise hilal pa

Peer Sher Mohammad Ajiz

---

---

phaT jate hain zaKHm-e-dil-e-betab ke angur
saqi tere hathon se jo saghar nahin milta

Peer Sher Mohammad Ajiz

---

---

shab-e-wasl aaj wo takid karte hain mohabbat se
abhi so rahne do kuchh raat guzre to jaga lena

Peer Sher Mohammad Ajiz

---

---

suna hai arsh-e-ilahi isi ko kahte hain
tawaf-e-kaba-e-dil hum ne subh-o-sham kiya

Peer Sher Mohammad Ajiz

---

---