mere jazbaat aansuon wale
sher sab hichkiyon se likhta hun

Obaidur Rahman

---

---

nazar mein dur talak rahguzar zaruri hai
kisi bhi samt ho lekin safar zaruri hai

Obaidur Rahman

---

---

shoKHi kisi mein hai na shararat hai ab 'obaid'
bachche hamare daur ke sanjida ho gae

Obaidur Rahman

---

---

sohbat mein jahilon ki guzare the chand roz
phir ye hua main waqif-e-adab ho gaya

Obaidur Rahman

---

---

tamir-o-taraqqi wale hain kahiye bhi to un ko kya kahiye
jo shish-mahal mein baiThe hue mazdur ki baaten karte hain

Obaidur Rahman

---

---

talashe ja rahe hain ahd-e-rafta
zaminon ki khudai ho rahi hai

Obaidur Rahman

---

---

TuTta rahta hai mujh mein KHud mera apna wajud
mere andar koi mujh se barsar-e-paikar hai

Obaidur Rahman

---

---