dikhao surat-e-taza bayan se pahle
kahani aur hai kuchh dastan se pahle

Obaidur Rahman

---

---

ghaTti baDhti rahi parchhain meri KHud mujh se
lakh chaha ki mere qad ke barabar utre

Obaidur Rahman

---

---

hamein hijrat samajh mein itni aai
parinda aab-o-dana chahta hai

Obaidur Rahman

---

---

hamein to KHwab ka ek shahr aankhon mein basana tha
aur is ke baad mar jaane ka sapna dekh lena tha

Obaidur Rahman

---

---

jab dhup sar pe thi to akela tha mein 'obaid'
ab chhanw aa gai hai to sab yar aae hain

Obaidur Rahman

---

---

jahan pahunchne ki KHwahish mein umr bit gai
wahin pahunch ke hayat ek KHayal-e-KHam hui

Obaidur Rahman

---

---

koi dimagh se koi sharir se haara
mein apne hath ki andhi lakir se haara

Obaidur Rahman

---

---