zamin ke log to kya do dilon ki chahat mein
KHuda bhi ho to use darmiyan lao mat

Obaidullah Aleem

---

---

zamin jab bhi hui karbala hamare liye
to aasman se utra KHuda hamare liye

Obaidullah Aleem

---

---

KHuda aaKHir karega KHush mera dil
mujhe apne tawakkul ki qasam hai

Obaidullah Khan Mubtala

---

---

asti se tujh kun karna hai nibah
hath jo pakDa mera dahna sajan

Obaidullah Khan Mubtala

---

---

sohbat na rakh aghyar sun bezar mat kar yar kun
jata rahega hath sun us ki nigahbani karo

Obaidullah Khan Mubtala

---

---

isi falak se utarta hai ye andhera bhi
ye raushni bhi isi aasman se aati hai

Obaidullah Siddiqui

---

---

pahle chingari se ek shola banata hai mujhe
phir wahi tez hawaon se Daraata hai mujhe

Obaidullah Siddiqui

---

---