paiwand ki tarah nazar aata hai bad-numa
puKHta makan kachche gharon ke hujum mein

Owais Ahmad Dauran

---

---

sab mastiyon mein phenko na patthar idhar udhar
diwano! is dayar mein shishe ke ghar bhi hain

Owais Ahmad Dauran

---

---

shayad kisi ki yaad ka mausam phir aa gaya
pahlu mein dil ki tarah dhaDakne lagi hai sham

Owais Ahmad Dauran

---

---

un makanon mein bhi insan hi rahte honge
raunaqen jin mein nahin aap ki mahfil ki si

Owais Ahmad Dauran

---

---

wo lahu pi kar baDe andaz se kahta hai ye
gham ka har tufan us ke ghar ke bahar aaega

Owais Ahmad Dauran

---

---

ye sehn-e-gulistan nahin maqtal hai rafiqo!
har shaKH hai talwar yahan, jagte rahna

Owais Ahmad Dauran

---

---

ye zist ki hai phul si miT jae bala se
gulchin se magar bar-sar-e-paikar hi rahiye

Owais Ahmad Dauran

---

---