sham hoti hai to mera hi fasana aksar
wo jo TuTa hua tara hai sunata hai mujhe

Obaidullah Siddiqui

---

---

ye aankhen ye dimagh ye zaKHmon ka ghar badan
sab mahw-e-KHwab hain dil-e-be-tab ke siwa

Obaidullah Siddiqui

---

---

ye kis ka chehra damakta hai meri aankhon mein
ye kis ki yaad mujhe kahkashan se aati hai

Obaidullah Siddiqui

---

---

zindagi ek KHwab hai ye KHwab ki tabir hai
halqa-e-gesu-e-duniya panw ki zanjir hai

Obaidullah Siddiqui

---

---

aangan aangan KHun ke chhinTe chehra chehra be-chehra
kis kis ghar ka zikr karun mein kis kis ke sadmat likhun

Obaidur Rahman

---

---

apni hi zat ke mahbas mein samane se uTha
dard ehsas ka sine mein dabane se uTha

Obaidur Rahman

---

---

achchon ko hum na ek khilauna bhi de sake
gham aur baDh gaya hai jo tyauhaar aae hain

Obaidur Rahman

---

---