ishq ki tamanna thi ishq ki tamanna hai
ishq hi ki rahon mein mastiyon ka mela hai

Owaisul Hassan Khan

---

---

hai pyar ka ye khel kahan makr se KHali
lekin dil-e-nadan ko dikhana nahin aaya

Ozair Rahman

---

---

karta raha main minnaten kam ki na kuchh dua
hasil hua na kuchh to KHuda be-asar laga

Ozair Rahman

---

---

aastinon mein chhupa kar sanp bhi lae the log
shahr ki is bhiD mein kuchh log bazigar bhi the

P P Srivastava Rind

---

---

aasudgi ne thapkiyan de kar sula diya
ghar ki zaruraton ne jagaya to Dar laga

P P Srivastava Rind

---

---

arf-manzar dhul ke baadal hawa ke qahqahe
jo kabhi dahliz ke bahar the wo andar bhi the

P P Srivastava Rind

---

---

chahta hai dil kisi se raaz ki baaten kare
phul aadhi raat ka aangan mein hai mahka hua

P P Srivastava Rind

---

---