kuchh ehtiyat parinde bhi rakhna bhul gae
kuchh intiqam bhi aandhi ne badtarin liye

Nusrat Gwaliari

---

---

kuchh nau-jawan shahr se aae hain lauT kar
ab daw par lagi hui izzat hai ganw ki

Nusrat Gwaliari

---

---

main ajnabi hun magar tum kabhi jo sochoge
koi qarib ka rishta zarur niklega

Nusrat Gwaliari

---

---

milna paDta hai hamein KHud se bhi ghairon ki tarah
us ne mahaul hi kuchh aisa bana rakkha hai

Nusrat Gwaliari

---

---

mere charagh ki nannhi si lau se KHaif hai
ajib waqt paDa hai siyah aandhi pa

Nusrat Gwaliari

---

---

qanun jaise kho chuka sadiyon ka e'timad
ab kaun dekhta hai KHata ka hai ruKH kidha

Nusrat Gwaliari

---

---

aat ke lamhat KHuni dastan likhte rahe
subh ke aKHbar mein haalat behtar ho gae

Nusrat Gwaliari

---

---