wo KHuda jaane ghar mein hain ki nahin
kuchh khula aur kuchh hai band kiwaD

Nooh Narvi

---

---

wo KHudai kar rahe the jab KHuda hone se qabl
to KHuda jaane karenge kya KHuda hone ke baad

Nooh Narvi

---

---

ye mere pas jo chup-chap aae baiThe hain
hazar fitna-e-mahshar uThae baiThe hain

Nooh Narvi

---

---

din to KHair guzar jata hai
raaten pagal kar deti hain

Noon Meem Danish

---

---

gardish-e-mah-o-sal se aage nikal gaya hun main
jaise badal gae ho tum jaise badal gaya hun main

Noon Meem Danish

---

---

ye bhi to jabr-e-waqt hai tu mujhe yaad bhi nahin
jaise sambhal gae ho tum waise sambhal gaya hun main

Noon Meem Danish

---

---

gham-e-ashiqi mein girah-kusha na KHirad hui na junun hua
wo sitam sahe ki hamein raha na pae-KHirad na sar-e-junun

Noon Meem Rashid

---

---