tasir ke do hisse agar hon to maza hai
ek meri fughan ko mile ek teri ada ko

Nooh Narvi

---

---

tumhaari shoKH-nazar ek jagah kabhi na rahi
na ye thami na ye Thahri na ye ruki na rahi

Nooh Narvi

---

---

un ka wada un ka paiman un ka iqrar un ka qaul
jitni baaten hain hasinon ki wo be-buniyaad hain

Nooh Narvi

---

---

un se sab haal daghabaz kahe dete hain
mere hamraaz mera raaz kahe dete hain

Nooh Narvi

---

---

wo baat kya jo aur ki tahrik se hui
wo kaam kya jo ghair ki imdad se hua

Nooh Narvi

---

---

wo ghar se chale rah mein ruk gae
idhar aate aate kidhar jhuk gae

Nooh Narvi

---

---

wo hath mein talwar liye sar pe khaDe hain
marne nahin deti mujhe marne ki KHushi aaj

Nooh Narvi

---

---