mausam-e-gul abhi nahin aaya
chal diye ghar mein hum laga kar aag

Nooh Narvi

---

---

mazhab-e-ishq-o-wafa mujh ko ye deta hai salah
tu jo kafir nahin hota to musalman bhi na ho

Nooh Narvi

---

---

milna jo na ho tum ko to kah do na milenge
ye kya kabhi parson hai kabhi kal hai kabhi aaj

Nooh Narvi

---

---

mujh ko KHayal-e-abru-e-KHamdar ho gaya
KHanjar tera gale ka mere haar ho gaya

Nooh Narvi

---

---

mujh ko nazron ke laDane se hai kaam
aap ko aankhen dikhane se gharaz

Nooh Narvi

---

---

mujh ko ye fikr ki dil muft gaya hathon se
un ko ye naz ki hum ne use chhina kaisa

Nooh Narvi

---

---

na milo khul ke to chori ki mulaqat rahe
hum bulaenge tumhein raat gae raat rahe

Nooh Narvi

---

---