ek sitam Dhane mein fard ek sitam sahne mein
al-gharaz hai na tumhaara na mera dil naqis

Nooh Narvi

---

---

is kam-sini mein ho unhen mera KHayal kya
wo kai baras ke hain abhi sin kya hai sal kya

Nooh Narvi

---

---

ishq mein kuchh nazar nahin aaya
jis taraf dekhiye andhera hai

Nooh Narvi

---

---

jaane ko jae fasl-e-gul aane ko aae har baras
hum gham-zadon ke waste jaise chaman waise qafas

Nooh Narvi

---

---

jab zikr kiya main ne kabhi wasl ka un se
wo kahne lage pak mohabbat hai baDi chiz

Nooh Narvi

---

---

jigar ki choT upar se kahin malum hoti hai
jigar ki choT upar se nahin malum hoti hai

Nooh Narvi

---

---

jo ahl-e-zauq hain wo lutf uTha lete hain chal phir kar
gulistan ka gulistan mein bayaban ka bayaban mein

Nooh Narvi

---

---