jo waqt jaega wo palaT kar na aaega
din raat chahiye sahar-o-sham ka lihaz

Nooh Narvi

---

---

kaba ho dair ho donon mein hai jalwa us ka
ghaur se dekhe agar dekhne wala us ka

Nooh Narvi

---

---

kaba ho ki but-KHana ho ai hazrat-e-waiz
jaenge jidhar aap na jaenge udhar hum

Nooh Narvi

---

---

kah rahi hai ye teri taswir bhi
main kisi se bolne wali nahin

Nooh Narvi

---

---

kahin na un ki nazar se nazar kisi ki laDe
wo is lihaz se aankhen jhukae baiThe hain

Nooh Narvi

---

---

kambaKHt kabhi ji se guzarne nahin deti
jine ki tamanna mujhe marne nahin deti

Nooh Narvi

---

---

KHak ho kar hi hum pahunch jate
us taraf ki magar hawa bhi nahin

Nooh Narvi

---

---