dil ko tum shauq se le jao magar yaad rahe
ye na mera na tumhaara na kisi ka hoga

Nooh Narvi

---

---

dil mein ghuT ghuT kar inhen rahte zamana ho gaya
meri fariyaaden bhi ab aamada-e-fariyaad hain

Nooh Narvi

---

---

dil nazr karo zulm saho naz uThao
ai ahl-e-tamanna ye hain arkan-e-tamanna

Nooh Narvi

---

---

dil unhen denge magar hum denge in sharton ke sath
aazma kar jaanch kar sun kar samajh kar dekh ka

Nooh Narvi

---

---

dosti ko bura samajhte hain
kya samajh hai wo kya samajhte hain

Nooh Narvi

---

---

dunga jawab main bhi baDi shadd-o-mad ke sath
likkha hai us ne mujh ko baDe karr-o-farr se KHat

Nooh Narvi

---

---

fitne dabe-dabae the jitne paDe hue
baiThe kahin ho tum to wo sab uTh khaDe hue

Nooh Narvi

---

---