ghair ka ishq hai ki mera hai
saf kah do abhi sawera hai

Nooh Narvi

---

---

hum intizar karen hum ko itni tab nahin
pila do tum hamein pani agar sharab nahin

Nooh Narvi

---

---

hum ne ye dekh liya dekh liya dekh liya
aap bhi 'nuh' ke tufan se Dar jate hain

Nooh Narvi

---

---

hamare dil se kya arman sab ek sath niklenge
ki qaidi muKHtalif miad ke hote hain zindan mein

Nooh Narvi

---

---

hamein israr milne par tumhein inkar milne se
na tum mano na hum manen na ye kam ho na wo kam ho

Nooh Narvi

---

---

hazaron ranj-e-dil de de ke mashuqon ko jhele hain
ye papaD kis ne bele hain ye papaD main ne bele mein

Nooh Narvi

---

---

husn-e-mutlaq ka nishan kabe mein to milta nahin
ehtiyat aao chal kar dekh len but-KHana hum

Nooh Narvi

---

---