chahiye thi shama is tarik ghar ke waste
KHana-e-dil mein charagh-e-ishq raushan ho gaya

Nooh Narvi

---

---

chalo 'nuh' tum ko dikha laen tum ne
na mai-KHana dekha na but-KHana dekha

Nooh Narvi

---

---

dam jo nikla to muddaa nikla
ek ke sath dusra nikla

Nooh Narvi

---

---

dikhae panch aalam ek payam-e-shauq ne mujh ko
ulajhna ruThna laDna bigaDna dur ho jaana

Nooh Narvi

---

---

dil apna kahin Thahre to hum bhi kahin Thahren
is kuche mein aa rahna us kuche mein ja rahna

Nooh Narvi

---

---

dil jo de kar kisi kafir ko pareshan ho jae
aafiyat us ki hai is mein ki musalman ho jae

Nooh Narvi

---

---

dil ke do hisse jo kar Dale the husn-o-ishq ne
ek sahra ban gaya aur ek gulshan ho gaya

Nooh Narvi

---

---