e-saKHta nigahen jo aapas mein mil gain
kya munh par us ne rakh liye aankhen chura ke hath

Nizam Rampuri

---

---

osa to us lab-e-shirin se kahan milta hai
galiyan bhi milin hum ko to milin thoDi si

Nizam Rampuri

---

---

chheD har waqt ki nahin jati
roz ka ruThna nahin jata

Nizam Rampuri

---

---

darban se aap kahte the kuchh mere bab mein
sunta tha main bhi pas hi dar ke khaDa hua

Nizam Rampuri

---

---

dekh kar ghair ko shoKHi dekho
mujh se kahte hain ki dekha tu ne

Nizam Rampuri

---

---

dena wo us ka saghar-e-mai yaad hai 'nizam'
munh pher kar idhar ko udhar ko baDha ke hath

Nizam Rampuri

---

---

do din bhi us sanam se na apni nibhi kabhi
jab kuchh bani to fazl-e-KHuda se bigaD gai

Nizam Rampuri

---

---