is qadar aap ka itab rahe
dil ko mere na iztirab rahe

Nizam Rampuri

---

---

jo jo maze kiye hain zaban se main kya kahun
pas apne aaj tak tere munh ka ugal hai

Nizam Rampuri

---

---

jo ki nadan hai wo kya jaane teri chahat ki qadr
ai pari diwana banna kaam hai hoshiyar ka

Nizam Rampuri

---

---

jo kuchh ishaare hote hain sab dekhta hun main
sari shararat aap ki meri nazar mein hai

Nizam Rampuri

---

---

kahin us bazm tak rasai ho
phir koi dekhe ehtimam mera

Nizam Rampuri

---

---

KHushbu wo pasine ki teri yaad na aa jae
gul kaisa kabhi itr bhi sungha na karenge

Nizam Rampuri

---

---

kis ka hai intizar kahan dhyan hai laga
kyun chaunk chaunk jate ho aawaz-e-pa ke sath

Nizam Rampuri

---

---