main ab to ai junun tere hathon se tang hun
laun kahan se roz gareban nae nae

Niyaz Fatehpuri

---

---

na duniya ka hun main na kuchh fikr din ka
mohabbat ne rakkha na mujh ko kahin ka

Niyaz Fatehpuri

---

---

tum to Thukra kar guzar jao tumhein Tokega kaun
main paDa hun rah mein to kya tumhaara jaega

Niyaz Fatehpuri

---

---

aae bhi wo chale bhi gae yan kise KHabar
hairan hun main KHayal hai ye ya ki KHwab hai

Nizam Rampuri

---

---

aankhen phuTen jo jhapakti bhi hon
shab-e-tanhai mein kaisa sona

Nizam Rampuri

---

---

aap dekhen to mere dil mein bhi kya kya kuchh hai
ye bhi ghar aap ka hai kyun na phir aabaad rahe

Nizam Rampuri

---

---

ab aao mil ke so rahen takrar ho chuki
aankhon mein nind bhi hai bahut raat kam bhi hai

Nizam Rampuri

---

---