chuDiyan kyun utar din tum ne
subhen kitni udas rahti hain

Nishant Shrivastava Nayab

---

---

ek bhi patthar na aaya rah mein
nind mein hum umr bhar chalte rahe

Nishant Shrivastava Nayab

---

---

hifazat har kisi ki wo baDi KHubi se karta hai
hawa bhi chalti rahti hai diya bhi jalta rahta hai

Nishant Shrivastava Nayab

---

---

junun ko Dhaal banaya to bach gae warna
ye zindagi hamein majbur kar bhi sakti thi

Nishant Shrivastava Nayab

---

---

main ek pal mein andhere se haar jaunga
tamam umr charaghon ke bich guzri hai

Nishant Shrivastava Nayab

---

---

aat ab apne iKHtitam pe hai
ehtiraman diye bujha dije

Nishant Shrivastava Nayab

---

---

ghaDi ghaDi na idhar dekhiye ki dil pe mujhe
hai iKHtiyar par itna bhi iKHtiyar nahin

Niyaz Fatehpuri

---

---