asar kare jo mujahidana hayat use daimi milegi
na bhik mein zindagi mili hai na bhik mein zindagi milegi

Nisar Itavi

---

---

chhupe to kaise chhupe chaman mein mera tera rabt-e-walihana
kali kali husn ki kahani nazar nazar ishq ka fasana

Nisar Itavi

---

---

dil mein kya kya guman guzarte hain
muskurao na baat se pahle

Nisar Itavi

---

---

kal jo zikr-e-jam-o-mina aa gaya
meri tauba ko pasina aa gaya

Nisar Itavi

---

---

kali ki KHu hai bahar-haal muskurane ki
wagarna ras kise hai hua zamane ki

Nisar Itavi

---

---

kitne pur-haul andheron se guzar kar ai dost
hum tere husn ki raKHshanda sahar tak pahunche

Nisar Itavi

---

---

kuchh husn ke fasane tartib de raha hun
daftar ulaT raha hun har phul har kali ka

Nisar Itavi

---

---