yahi hai zindagi kuchh KHwab chand ummiden
inhin khilaunon se tum bhi bahal sako to chalo

Nida Fazli

---

---

yaqin chand pe suraj mein e'tibar bhi rakh
magar nigah mein thoDa sa intizar bhi rakh

Nida Fazli

---

---

ye kaTe se nahin kaTte ye banTe se nahin baTte
nadi ke paniyon ke samne aari kaTari kya

Nida Fazli

---

---

ye shahar hai ki numaish lagi hui hai koi
jo aadmi bhi mila ban ke ishtihaar mila

Nida Fazli

---

---

zaruri kya har ek mahfil mein baiThen
takalluf ki rawa-dari se bachiye

Nida Fazli

---

---

tum jo aae ho to shakl-e-dar-o-diwar hai aur
kitni rangin meri sham hui jati hai

Nihal Sevharvi

---

---

hazar rang-ba-daman sahi magar duniya
bas ek silsila-e-etibar hai, kya hai

Nikhat Barelvi

---

---