jaane kis waqt kuch karna ho
apna saman muKHtasar rakhiye

Nikhat Iftikhar

---

---

aa dost sath aa dar-e-mazi se mang laen
wo apni zindagi ki jawan bhi hasin bhi thi

Nisar Itavi

---

---

ab bhi jo log sar-e-dar nazar aate hain
kuchh wahi mahram-e-asrar nazar aate hain

Nisar Itavi

---

---

afsos kisi se miT na saki insan ke dil ki tishna-labi
shabnam hai ki roya karti hai baadal hain ki barsa karte hain

Nisar Itavi

---

---

ai aql sath rah ki paDega tujhi se kaam
rah-e-talab ki manzil-e-aKHir junun nahin

Nisar Itavi

---

---

ahaar ho ki mauj-e-mai ki taba ki rawaniyan
jidhar se wo guzar gae ubal paDin jawaniyan

Nisar Itavi

---

---

arson se tera zikr tera nam nahin hai
lekin ye haqiqat hai ki aaram nahin hai

Nisar Itavi

---

---