sun ai koh-o-daman ko sabz KHilat baKHshne wale
nahin milta tere dar se gharibon ko kafan ab tak

Nisar Itavi

---

---

tu ne wo soz diya hai ki ilahi tauba
zindagi aag ke shoalon mein basar hoti hai

Nisar Itavi

---

---

wo din guzre ki jab ye zindagani ek kahani thi
mujhe ab har kahani zindagi malum hoti hai

Nisar Itavi

---

---

yaqinan rahbar-e-manzil kahin par rasta bhula
wagarna qafile ke qafile gum ho nahin sakte

Nisar Itavi

---

---

ye bhi hua ki dar na tera kar sake talash
ye bhi hua ki hum tere dar se guzar gae

Nisar Itavi

---

---

ye dil walon se puchho is ko dil wale samajhte hain
bigaD aai hawa zulfen kisi ki ya sanwar aai

Nisar Itavi

---

---

a-zahir dasht ki jaanib to baDhta ja raha hai
magar sab raste bhi yaad karta ja raha hai

Nishant Shrivastava Nayab

---

---