kahta hai koi kuchh to samajhta hai koi kuchh
lafzon se juda ho gae lafzon ke maani

Nida Fazli

---

---

KHatre ke nishanat abhi dur hain lekin
sailab kinaron pe machalne to lage hain

Nida Fazli

---

---

KHuda ke hath mein mat saunp sare kaamon ko
badalte waqt pe kuchh apna iKHtiyar bhi rakh

Nida Fazli

---

---

KHush-haal ghar sharif tabiat sabhi ka dost
wo shaKHs tha ziyaada magar aadmi tha kam

Nida Fazli

---

---

kis se puchhun ki kahan gum hun kai barson se
har jagah DhunDhta phirta hai mujhe ghar mera

Nida Fazli

---

---

kisi ke waste rahen kahan badalti hain
tum apne aap ko KHud hi badal sako to chalo

Nida Fazli

---

---

koi hindu koi muslim koi isai hai
sab ne insan na banne ki qasam khai hai

Nida Fazli

---

---