ghar ko khojen raat din ghar se nikle panw
wo rasta hi kho gaya jis raste tha ganw

Nida Fazli

---

---

girja mein mandiron mein azanon mein baT gaya
hote hi subh aadmi KHanon mein baT gaya

Nida Fazli

---

---

hum bhi kisi kaman se nikle the tir se
ye aur baat hai ki nishane KHata hue

Nida Fazli

---

---

hum labon se kah na pae un se haal-e-dil kabhi
aur wo samjhe nahin ye KHamushi kya chiz hai

Nida Fazli

---

---

hamara 'mir'-ji se muttafiq hona hai na-mumkin
uThana hai jo patthar ishq ka to halka bhaari kya

Nida Fazli

---

---

har aadmi mein hote hain das bis aadmi
jis ko bhi dekhna ho kai bar dekhna

Nida Fazli

---

---

har ek baat ko chup-chap kyun suna jae
kabhi to hausla kar ke nahin kaha jae

Nida Fazli

---

---