mere bachche tera bachpan to main ne bech Dala
buzurgi oDh kar kandhe tere KHam ho gae hain

Musavvir Sabzwari

---

---

na socho tark-e-talluq ke moD par ruk kar
qadam baDhao ki ye hadsa zaruri hai

Musavvir Sabzwari

---

---

na TuT kar itna hum ko chaho ki ro paDen hum
dabi dabai si choT ek ek ubhar gai hai

Musavvir Sabzwari

---

---

ishton ka bojh Dhona dil dil mein kuDhte rahna
hum ek dusre par ehsan ho gae hain

Musavvir Sabzwari

---

---

saf-e-munafiqan mein phir wo ja mila to kya ajab
hui thi sulh bhi KHamosh iKHtilaf ki tarah

Musavvir Sabzwari

---

---

sajni ki aankhon mein chhup kar jab jhanka
bin holi khele hi sajan bhig gaya

Musavvir Sabzwari

---

---

the us ke sath zawal-e-safar ke sab manzar
wo dukhte dil ke bahut sang-e-mil chhoD gaya

Musavvir Sabzwari

---

---